Ҳайдарзода Меҳроби Ислом 1 июни соли 1991 дар деҳаи Ҳайдарободи Ҷамоати деҳоти Гулистони шаҳри Ваҳдат, дар оилаи хизматчии давлатӣ таваллуд шудааст.
Соли 1997 таҳсили ибтидоиро дар мактаби миёнаи №106-и деҳаи Ҳайдарободи ш. Ваҳдат оғоз намуда, онро соли 2008 хатм намуд. Баъди хатми мактаби миёна ба факултаи соҳибкорӣ ва менеҷменти Донишкадаи соҳибкорӣ ва хизмат дохил шуда, онро соли 2012 бо ихтисоси муносибатҳои байналмилалӣ бомуваффақият хатм кард. Худи ҳамон сол ба магистратураи донишкадаи мазкур шомил гардида, соли 2014 онро бо муваффақият хатм намуд. Ҳамзамон, соли 2015 ба аспирантураи донишкадаи мазкур дохил шуда, онро соли 2018 сарбаландона хатм намуд ва соли 2019 рисолаи диссертатсионии худро барои дарёфти номзади илмҳои иқтисодӣ бомуваффақият дифоъ намуд. Дар асоси Қарори Шӯрои КОА-и ФР соҳиби дараҷаи илмии номзади илмҳои иқтисодӣ гардид.
Фаъолияти меҳнатиашро аз 01 сентябри соли 2013 дар Коллеҷи омори шаҳри Ваҳдат ба ҳайси мутахассис-эдвайзер ва омӯзгори фанҳои иқтисодӣ оғоз намуд. Аз 06 октябри соли 2015 то 02 январи соли 2020 ба ҳайси декани факултети молия, бонк ва ташкили истеҳсолот дар иқтисодиёти муассисаи мазкур адои вазифа намуда, аз 02 январи 2020 то 27 ноябри соли 2020 дар вазифаи муовини директор оид ба илм ва робитаҳои байналмилалӣ мазкур фаъолият намуд. Аз 27 ноябри 2020 вазифаи Директори Коллеҷи омори шаҳри Ваҳдатро ба зима дорад. Аъзои ҲХДТ мебошад.
Бо Ифтихорномаи Раиси шаҳри Ваҳдат, Нишони Аълочии маориф ва илми Тоҷикистон, Ифтихорномаи иттифоқи касабаи кормандони маориф ва илми Ҷумҳурии Тоҷикистон, сипосномаи Ҳизби Халқии Демократии Тоҷикистон сарфароз гардонида шудааст.
Оиладор, соҳиби чор фарзанд.
