Яке аз хусусиятҳои хоси таҳсилоти низоми кредитии таълим ин таъмин намудани шаффофият дар раванди таълими муассисаҳои таҳсилоти миёнаи касбӣ ба ҳисоб меравад. Дар ин робита, бо мақсади баҳогузории сатҳи воқеии дониши донишҷӯён истифодаи воситаҳои технологияҳои иттилоотӣ, аз он ҷумла барномаҳои тестӣ афзалиятнок арзёбӣ мегардад. Ҳамзамон, аз санаи 7.12.2020 инҷониб дар муассиса имтиҳоноти ҷории нимсолаи якум сурат гирифта истодааст, ки он бо воситаҳои барномаҳои тестӣ қабул гардида истодааст. Бо итминони комил гуфта метавонем, ки маҳз ин тарзи қабули имтиҳонот метавонад дар таъмини шаффофияти сатҳи воқеии азхудкунии донишҷӯён заминагузор бошад.
